Biergerforum
#mirsistengefort Mobilitéit
Zesumme mat hiren Awunner.inne well d’Gemeng Stengefort Moossnamen zur Verkéiersberouegung fannen a beschwätzen.
Aus deem Grond invitéiere mir eis Bierger.innen op zwee Eventer ronderëm d’Thema Mobilitéit.
De 17. September um 10 Auer treffe mir eis am Kader vum «Tour du Duerf» virun dem Gemengenhaus, fir zesumme mam Vëlo duerch d’Gemeng ze fueren.
Den 20. September um 19:00 Auer fënnt dann e Biergerforum am Centre Culturel «An de Keeseminnen» statt. Zesumme mam CELL a Klimabündnis gëtt e participative Workshop ofgehalen, bei dem Är Meenung an Är Iddie gefrot sinn. De Biergerforum wäert bis 21:30 Auer daueren.
Wann Dir Froen hutt oder weider Informatioune wëllt, da mellt Iech bei der Madamm Tamara SCHERER iwwer Telefon (399313-252) oder E-Mail (tamara.scherer@steinfort.lu), déi Iech gäre weiderhëlleft.
Aus organisatoresche Grënn biede mir Iech Iech fir déi jeeweileg Evenementer iwwert de Formulaire unzemellen. Et ass awer och méiglech ouni Umeldung matzemaachen.
Merci am Viraus fir Är Participatioun an Engagement.
Deelen: